Тэставыя заданні па аповесці Кузьмы Чорнага "Насцечка" для 6 класа

К.Чорны. “Насцечка” (тэставыя заданні, 6 клас)

Заданні А

1.Аповесць – гэта: 1) мастацкі твор, у якім расказваецца пра некалькі падзей, значны перыяд у жыцці галоўнага героя, яго ўзаемаадносіны з іншымі персанажамі; 2) жанр вуснай народнай творчасці, звычайна празаічнае апавяданне фантастычнага ці сацыяльна-бытавога зместу з выкарыстаннем вымыслу (выдумкі); 3) момант, з якога пачынаецца развіццё дзеяння ў літаратурным сюжэтным творы; 4) форма камічнага, выкрывальнага паказу адмоўных з’яў, пры якім крытыкуюцца заганы грамадскага жыцця ці асобных людзей; 5) невялікі празаічны твор, у якім расказваецца пра асобную падзею, выпадак або здарэнне ў жыцці героя.

2.Кузьма Чорны – гэта псеўданім. Сапраўднае імя пісьменніка: 1) Вікенцій Паўлавіч Равінскі; 2) Мікалай Карлавіч Раманоўскі; 3) Вінцэнт Іванавіч Дунін-Марцінкевіч; 4) Іван Дамінікавіч Луцэвіч; 5) Канстанцін Міхайлавіч Міцкевіч.

3.Аповесць “Насцечка” напісана ў: 1) 1921 г.; 2) 1929 г.; 3) 1934 г.; 4) 1939 г.; 5) 1940 г.

4.Падзеі, адлюстраваныя ў творы, адбываюцца ў: 1) 1910-1917 гг.; 2) 1921-1929 гг.; 3) сярэдзіне 1930-х гг.; 4) 1939 – пачатку 1941 г.; 5) 1947-1955 гг.

5.Мішка як адзін з персанажаў твора: 1) удзельнічаў у агідных учынках Сержа, штурхаў яго на дрэнныя справы; 2) “ён у дзесяць разоў яшчэ ад сябе дадасць таго, чаго зусім не было”; 3) не быў сапраўдным сябрам Сержа; 4) карыстаўся ласункамі Сержа: яблыкамі, пернікамі, цукеркамі; 5) часта распальваў і без таго высокае самалюбства Сержа.

6.Серж у доме Закрэўскага, куды прыйшоў з бацькам, адчувае (паводзіць) сябе: 1) ветліва, тактоўна, шчыра і доўга размаўляе з Насцечкай і яе сяброўкамі; 2) вельмі нахабна, дзёрзка; 3) “быццам лепш было б яму ў гэтыя мінуты праваліцца скрозь зямлю”; 4) быццам бы трапіў да лепшых на свеце сяброў, тут яму стала добра, было весела, лёгка на душы, цікава; 5) весела, жартуе, танцуе з дзяўчынкамі.

7.Пералом у душы Сержа адбыўся пасля таго, як: 1) Насця каля дошкі рашала арыфметычныя прыклады; 2) Серж з Мішкам нацягнулі ўпоперак дзвярэй шнур, дзе жыў Закрэўскі; 3) бацька прадставіў Сержа старому Закрэўскаму; 4) Насця пачала спазняцца на заняткі ў школу, прыходзіць з растрапанымі валасамі; 5) Серж з Мішкам рассыпалі гарох, які быў у Насцінай торбе.

8.Серж у аповесці: 1) ненавідзіць усіх, хто спрабуе яму супрацьстаяць, “хацеў, каб кожнае яго слова было законам для ўсіх, а калі хто пярэчыў яму, ён аж кіпеў ад злосці і пагражаў, што паскардзіцца свайму бацьку”; 2) жорсткі, абыякавы, помслівы, хітры, зларадны, капрызны, эгаіст, са знявагай ставіцца да дарослых; 3) імкнецца ўладарыць над усімі, паказаць сваю вышэйшасць перад аднакласнікамі, нахабны, злосны, баіцца адказваць за свае ўчынкі; 4) разбэшчаны, нявыхаваны, ніколі ні ў чым не лічыць сябе вінаватым, “палюе” на дзяўчат, як звярок, не паважае сваіх бацькоў, мог крыкнуць на маці; 5) самаўпэўнены, рабіў усё, каб яго баяліся, апранаўся “не то што лепш за тых дзяўчатак, з якімі бесперапынна зачэпваўся, але на ім усё ляжала нейк гладчэй, спрытней, дасціпней”.

9.Дрэнныя ўчынкі Сержа: 1) зневажае Насцю, якая рашыла задачу; 2) прабівае цвіком посуд для га-зы; 3) перашкаджае пайсці са школы дадому Фані, Раі, Надзі, дае дзяўчынкам балючыя пстрычкі, штур-хае іх; 4) робіць з Мішкам так, каб гарох Насці рассыпаўся па класе; 5) укідвае Закрэўскага ў лужыну.

10.Дзевяць чалавек з рэвальверамі і польскімі карабінамі ў руках прывезлі палонных (бацьку Сержа, Закрэўскага і фурманшчыка) на лясны хутар і зачынілі ў склепе. Іх выратаваў(-ла,-лі): 1) сваяк Закрэўскага з суседняй вёскі; 2) лепшы сябар фурманшчыка; 3) пан з маёнтка, дзе бацька Сержа год таму пасвіў кароў; 4) былая парабчанка, цяпер маці Сержа; 5) атрад чырвонаармейцаў.

11.Закрэўскі да прыходу Чырвонай Арміі працаваў: 1) пісарчуком у акруговым камітэце; 2) невялікім начальнікам на суконнай фабрыцы; 3) паштальёнам у горадзе; 4) сакратаром у валасным камітэце; 5) рабочым на заводзе.

12.Стары Закрэўскі любоўна называе ўнучку Насцечку: 1) матылёк; 2) сонейка; 3) зорка ясная; 4) зайчык; 5) рыбка.

13.Стары Закрэўскі ў творы: 1) “заўсёды хадзіў адзеты ў паношанае цёмнае паліто, на яго быццам караткаватае, з цёплым каўняром. У яго была зусім сівая, маленькая, нізка пастрыжаная бародка, і такія ж сівыя выбіваліся з-пад суконнай шапкі валасы каля вушэй... З выгляду ён быў ветлівы да ўсіх”; 2) не з баязлівых людзей, мудры, разважлівы, тактоўны; 3) смелы, мужны, выратоўвае ад смерці бацьку Сержа, далікатны, добры; 4) пражыў сумленнае жыццё; прыходзіць на дапамогу тым, хто не можа сам сябе абараніць; імкнецца замяніць унучцы бацькоў; 5) быў за бацьку Сержавым бацькам; свабодалюбівы.

14.Насця з сяброўкамі Фаняй, Раяй і Надзеяй любілі танцаваць: 1) польку; 2) лезгінку; 3) вальс; 4) “Лявоніху”; 5) “Крыжачок”.

15.Насцечка ў творы: 1) белатварая, з густымі валасамі, якія роўна ляжалі на яе галаве пад грабянцом; адчувала сваю годнасць, магла пастаяць за сябе; 2) новая вучаніца 20-й школы, апранаецца сціпла, але акуратна; моцна любіла свайго дзеда; ніколі нікому не скардзіцца; 3) добрая, сціплая, рашучая, энергічная, зычлівая, смелая, гордая, ніколі не выстаўляла сябе; мае шырокае кола інтарэсаў; 4) спагадлівая, клапатлівая, вясёлая; яе звонкі голас і смех чуліся заўсёды; аптымістка, паводзіць сябе як дарослая гаспадыня; 5) таварыская, працавітая, бойкая і рухавая; любіць прыроду, заўважае яе прыгажосць; добра вучыцца, паважае аднакласнікаў.

16.Маці Насці: 1) паштальён у суседняй вёсцы; 2) перадавая даярка калгаса; 3) настаўніца па прафесіі; 4) цяпер – студэнтка-завочніца; 5) працуе медсястрой.

17.З Масквы Насціна мама прывезла дачцэ: 1) грамафон; 2) патэфон; 3) радыёпрыёмнік; 4) фотаапарат; 5) гармонік.

18.Насціна мама “пастаралася ўзяць да самай вясны водпуск, каб весці сваю навуку дома і каб толькі ў самым канцы паехаць завяршыць яе”, таму што: 1) дачка цяжка захварэла і за ёй трэба было даглядаць, лячыць; 2) стары Закрэўскі, дзед Насцечкі, сабраўся паехаць адпачыць на курорт, каб палепшыць стан свайго здароўя; 3) яна датэрмінова здала сесію і хацела прайсці вытворчую практыку на прадпрыемстве, па месцы жыхарства; 4) Насця не магла так часта, як раней, пісаць лісты маме; 5) калі дзед захварэў, то ў Насці з’явілася шмат клопатаў.

19.Маці Сержа хоча, каб з сына вырас: 1) добры, шчыры, чулы чалавек, у якога было б многа сяброў, а ў будучым – выдатная работа, добрая жонка; 2) “такі чалавек, які ведаў бы, што калі ты пакасціш другому чалавеку, то лепш табе не жыць на свеце”; 3) выдатны вучоны; 4) механік, інжынер-вынаходнік; 5) чалавек, у якога няма чэрствага самалюбства, які можа дапамагчы іншаму, не глядзеў бы з пагардай на людзей.

20.Бацька Сержа: 1) пастаянна займаецца выхаваннем сына; 2) быў сіратой; 3) сямейныя клопаты ўзваліў на плечы жонкі; 4) стаў высокапастаўленым чыноўнікам; 5) патурае капрызам сына.

21.Бацька Насцечкі: 1) геолаг-разведчык, цяпер працуе ў Сібіры; 2) быў настаўнікам; 3) рана памёр, таму дзяўчынка яго не памятае; 4) на паўгода паехаў у камандзіроўку за мяжу; 5) далучыў сваюжонку да кніг і навукі.

22.Каму належаць словы: “Дружба – вялікая справа. Без дружбы чалавеку цяжка... Дружба робіць вялікія справы. І ў няшчасці, і ў радасці без дружбы чалавеку нельга быць...”: 1) буфетчыцы; 2) маці Сержа; 3) старому Закрэўскаму; 4) бацьку Сержа; 5) маці Насцечкі.

23.Мастацкае апісанне знешняга выгляду героя ў творы называецца: 1) фотаздымкам; 2) дэталлю; 3) нацюрмортам; 4) пейзажнай замалёўкай; 5) літаратурным партрэтам.

24.Памяняйце пункты кампазіцыі (сюжэта) так, каб яны адпавядалі паслядоўнасці падзей, апісаных у аповесці: 1) Насця рашала каля дошкі арыфметычныя прыклады. Серж стаў гаварыць, што яна няправільна рашае, а ён – правільна (  ); 2) Закрэўскі пайшоў на вакзал і хутка вярнуўся назад разам з мамай Насцечкі (  ); 3) Бацька Сержа збіраўся наведаць свайго сябра. Сын папрасіў, каб бацька з сабой узяў і яго (  ); 4) Сержа затрымаў стары чалавек, які даведаўся імя хлопчыка і нумар школы. Серж адбег трошкі і пракрычаў у адрас старога абразлівыя словы (  ); 5) Закрэўскі расказаў унучцы аб тым, што сустрэў знаёмага, якога не бачыў многа гадоў. Стары паведаміў, што любіў гэтага чалавека як роднага сына (  ).

25.У творы аўтар уздымае праблемы: 1) мастацтва і мастака; 2) узаемаадносін дзяцей і бацькоў; 3) дружбы і сяброўства; 4) сучаснага грамадства; 5) адносін да роднай прыроды, сэнсу жыцця.

В

1.Чаму бацька павёў сына Сержа да Закрэўскага? __________________________________________ _____________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________

2.Каму належаць словы, аб чым яны сведчаць? Стары чорт! Ты вечарам стаіш на вуліцы і на месяц глядзіш, як дурань. Ты думаеш, я цябе баюся? _________________________________________ _____________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________